અસવારી લૈ અલબેલડો, પોતે આવ્યા માણેકચોકમાં;૧/૫

 અસવારી લૈ અલબેલડો, પોતે આવ્યા માણેકચોકમાં;

ચઢી અટારી અગાશીયે, જુએ નર ત્રિયા હરી શોખમાં.              ૧

ઉછવિયા ઉચ્છવ કરે, વગાડે ઝાંઝ ઉમંગમાં;

મર્દંગ વાગે અતિ ઘણી, શોભે સખા હરીના સંગમાં.                  ૨

અવાજ થાય બંદુક તણા, કરે પાળા પ્રભુના હેતથી;

એ શોભા દીઠી નજરે, તે તો તર્યા કુટુંબ સમેતથી.                    ૩

કનકછડી લૈ કરમાં, છડીદાર બોલે છડી સાદમાં;

એવી શોભા થકા ફરતા હવા, અલબેલો અમદાવાદમાં.           ૪

એવી રીત્યે ફરતા હરી, કરતા અનેકનાં કાજને;

અવિનાશાનંદ જાય વારણે, વારે વારે શ્રી માહારાજને.             ૫

 

મૂળ પદ

અસવારી લૈ અલબેલડો, પોતે આવ્યા માણેકચોકમાં;

રચયિતા

અવિનાશાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી