ઉપવિત પામી ને અંતર જામી, ધાર્યું કરવું કાજ રે; ૧/૧

પદ ૧/૧ (રાગ :મેહુલો તે વરસે હરિ મંદિરમાં-એ રાગ)

પદ ૧૩

ઉપવિત પામી ને અંતર જામી, ધાર્યું કરવું કાજ રે;

અવતાર લીધાનું કારણ પોતે, વિચાર્યું વ્રજરાજ રે. ૧

બાળ ચરિત્ર કર્યા છે વિચિત્ર, વાલે વરસ અગીયાર રે;

માત પિતાને મોક્ષ પમાડી, વિચર્યા વન મોઝાર રે. ૨

એકા એકી વિકટ વનમાં, ચાલ્યા શ્રી ઘનશ્યામ રે;

રાત પડે ત્યાં વાસો રહેતા, ગોવિંદ ગુણના ધામ રે. ૩

દૈવીજનોને દર્શન દેતા, કરતા પર ઉપકાર રે;

દુષ્ટો આસુરી અધર્મીનો, કરતા જાય સંહાર રે. ૪

સપ્ત વરસ લગી વિચાર્યા વનમાં, વાલમ વરણીવેશ રે;

પછી પધાર્યા લોજ નગરમાં, સુંદર સોરઠ દેશ રે. ૫

રામાનંદનું મંડળ મોટું હતું નગરની માંય રે;

નારણદાસના નાથજી મળીયા, મુક્તાનંદને ત્યાંય રે. ૬

 

મૂળ પદ

મેહુલો તે વરસે હરિ મંદિરમાં

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી