મારા ગુણવંત શ્રી ઘનશ્યામ રે, પ્યારા પ્રીતે પધારજો; ૧/૧

પદ ૨૭(રાગ : ત્રિવિક્રમનો મહાડ)

પદ ૨૭

મારા ગુણવંત શ્રી ઘનશ્યામ રે, પ્યારા પ્રિતે પધારજો;

વાલમ વહેલા આવજો, ગોવિંદ ગરિબ નિવાજ;

એક ઘડી અળગા નવ મેલું, શામળીયા શિરતાજ;

હાંરે મારા પ્રાણજીવન અતી હેત વધારો-મારા ગુણવંત.

શોભાસાગર શામળા, પ્રીતમ પ્રાણ આધાર;

મૂર્તિ મનોહર લાલ તમારી, નેણાં તણા શણગાર

હાંરે મારા શામ સલૂણા મારે ઘેર પધારો-મારા ગુણવંત.૨

રસિયા છોજી રાજવી, ગુણીયલ ગોપીનાથ;

કામણગારા કાન અમારા, મોરલી મનોહર હાથ;

હાંરે મને વાલા વિના ઘડી ગમતું નથી-મારા ગુણવંત.૩

અરજી અમારી ધારજો, અંતરમાં અવિનાશ;

નારણદાસના નાથ રંગીલા, પ્રીતમ પુરો આશ;

હાંરે મારા દીનદયાળુ ધર્મલાલ હઠીલા-મારા ગુણવંત.૪

મૂળ પદ

મારા ગુણવંત શ્રી ઘનશ્યામ રે, પ્યારા પ્રિતે પધારજો;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી