અક્ષરના આધાર, આવોને અક્ષરના આધાર ૨/૨

 પદ-૨

પદ ૩૮

            અક્ષરના આધાર, આવોને અક્ષરના આધાર ટેક.

                                                જય અઘહારી, જય અવતારી

            દયા કરો ઘણી દેવ મોરારી, અલબેલા અમને આશ તમારી;

            આશરો એક તમારો છે સ્વામી, ગજને છોડાવ્યો ગરૂડના ગામી;

                                                (માટે કરો મેહેર, વિચારી તે પેર)

                                                 અમારા હૈડા કેરા હાર.                         આવોને.૧

             અધમ ઉદ્ધારા, ધર્મકુમારા

            અજામેલને કર્યો ભવપારા, નારાયણ નામ જપ્યો એકવારા;

            એવી રીતે આવો અંતરજામી, સંકટ સમે કહું શીશનામી;

                        (અવગુણ અમારા ન જોશો, દુઃખડાં દામોદર ખોશો)

                                                પ્રભુજી પ્રાણ આધાર.                            આવોને.૨

             જય જય દેવા, સુર કરે સેવા

            ધ્યાન ધરે નિત્ય શંકર જેવા, મુમુક્ષ ઇચ્છે સમીપમાં રહેવા;

            ગીધ ઉગાર્યો ને ગુણકા તારી, એ રીતે સહાય કરો સુખકારી;

                        (અમારા દોહ્યલી વેળાના દામ, પુરો હૈડા કેરી હામ)

                                                દયાનિધિ દાસ તણા દાતાર.                આવોને.૩

            ગુન્હા અમારા, છેજ અપારા.

માફ કરો તમે સરજનહારા, પ્રજાળી દ્યો મુજ પાપના ભારા;

રાંકનો વાંક રંગીલા ન જોશો, પાપને તાપ સમૂળગા ખોશો,

                        (પ્રીતમ રાખો પાસ, કરજોડી કહે નારણદાસ)

                                                ચતુર વર ચરણ કમળ-બલીહાર          .આવોને.૪

 

મૂળ પદ

શ્રીજી સુખ કરનાર દયાળુ શ્રીજી સુખ કરનાર,

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી