જેને પરનારીમાં પ્રીતડીરે, તેને સુખ શાન્તી નહિ થાય જો; ૧/૧

પદ-૧(રાગ : કંસે અકૃરજીને મોકલ્યા રે)

પદ-૭૮

 

જેને પરનારીમાં પ્રીતડીરે, તેને સુખ શાન્તી નહિ થાય જો;

કલેશ મટે નહિ કોઇ ઉપાયથીરે, અન્ન ધન જરૂર તેનું જાય.જો.

સારપ જાય ઘટી સંસારમાંરે, ઘેર ઘેર નિંદા સરવે ગાય જો;

લાજ રહે નહિ તે આ લોકમાંરે, પરલોક પીડા મોટી થાય જો;

ડગલે ડગલે બ્રહ્મહત્યા તણુંરે, પરનારી સંગીને પાપ જો;

દેહ તજીને કુંભી પાકમાંરે, દુઃખડા ભોગવશે અમાપ જો;

પરત્રિયાના સંગ પ્રતાપથીરે, પામે પુણ્ય પૂર્વનાં નાશ જો;

માટે પરહરવી પરનારનેરે, સંત એમ કે'છે નારણદાસજો. 

મૂળ પદ

જેને પરનારીમાં પ્રીતડીરે, તેને સુખ શાન્તી નહિ થાય જો;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી