અંધકાર ને અજ્ઞાન રૂપ, એવું માયાતણું છે સ્વરૂપ; ૧/૧

પદ-૧૦૮(રાગ :ચોપાઇ)                      પદ-૧૦૮

અંધકાર ને અજ્ઞાન રૂપ, એવું માયાતણું છે સ્વરૂપ;

દેહ ને દેહનાં સંબંધીમા, સગાં સહોદર કુટુંબીમાં.                              ૧

અહં મમત્વની કરાવનારી, વળી જીવોને બંધનકારી;

એતો કૃષ્ણ પ્રભુની છે શક્તિ, દિયે ભુલાવી પ્રભુની ભક્તિ.                  ૨

માટે ભક્ત રહો સાવધાન, અતિ માયા ઘણી બળવાન;

સત્વ રજ ને તમ રહાવે, એતો માયાના ગુણ કહાવે.                           ૩

કામ ક્રોધ ને મોહ વિકાર, એતો માયા તણા નિરધાર;

પ્રભુ વીના બીજામાં જે પ્રીત, તેને જાણવી માયા ખચીત.                     ૪

જડ ચૈતન્ય દ્વિવિધ માયા, તેમાં મોહ પામ્યા રંક રાયા;

એતો દાસી છે મહા પ્રભોની, વળી આશ્રયકારી જીવોની.                      ૫

એવી માયા પ્રબળ અતિ ભારી, દૈવી રાક્ષસી ઉભય પ્રકારી;

સાચા ભક્તોને છે સુખકારી, દુષ્ટોને અતિ દુઃખ દેનારી.                       ૬

જે કોઇ પ્રભુને શરણે જાય, તેણે પ્રભુની માયા જીતાય;

બીજા કોટિ કરે જો ઉપાય, પણ માયા કદિ ન જીતાય.                         ૭

એ તો પ્રગટ પ્રભુને પ્રતાપ, જીતે ભક્ત તે માયા અમાપ;

કહે નારણદાસ મોરારી, એથી રક્ષા કરો પ્રભુ મારી.                             ૮

 

 

 

મૂળ પદ

અંધકાર ને અજ્ઞાન રૂપ, એવું માયાતણું છે સ્વરૂપ;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી