જેને મળ્યા પ્રગટ અવતારી, એથી શી પદવી ભારી; ૧/૧

પદ-૨/૨

પદ-૧૧૬

 

જેને મળ્યા (૩)પ્રગટ અવતારી, એથી શી પદવી ભારી;

ધન્ય મળ્યા તે ધર્મ દુલારો, તેનો સફળ થયો જનમારો;

તેને નથી અક્ષરનો ઉધારો;

છતે આ દેહ, અક્ષરમાં તેહ, રહે કરી ઘેહ;

સમીપ મોરારી. એથી શી.૧

જેણે કર્યા (૩) પુન્ય બહુ ભારી, તેને પ્રગટ મળ્યા અવતારી;

તેનાં સર્વે કાર્ય સિદ્ધાં, સર્વોપરી સુખડાં લીધાં;

જમને શિર પગલાં દીધાં;

સકલ જગનાથ, દિધો શિર હાથ, તેની શી વાત;

કહું વિસ્તારી. એથી શી.૨

ધન્ય ધર્યો(૩) મનુષ્ય અવતાર, જેણે ગાયા હરિગુણ સાર;

સત્સંગ કરે શુદ્ધ ભાવે, હરિજનનો અવગુણ નાવે;

ગરજુ થઇ હરિગુણ ગાવે;

સ્વામી સુખભેર, તેના પર મહેર, કરે બહુ પહેર;

ગોવિંદ ગિરધારી. એથી શી.૩

નવ ગમે(૩)કદી કુસંગ, જેને ચઢ્યો પ્રગટનો રંગ;

શિક્ષાપત્રી પ્રમાણે, વરતે તેનું થાય કલ્યાણે;

હરિ સંગે આનંદ માણે;

સરે સૌ કાજ, રીઝે વ્રજરાજ, અલૌકિક આજ;

સદા સુખકારી. એથી શી.૪

સત કહ્યું (૩)નારાયણદાસે, જે હેતે હરિગુણ ગાશે;

સુખસાગરમાં જઇ ઠરવા, વૃષનંદન હરિને વરવા;

કર્મ કાળ થકી ઉગરવા;

પ્રભુમાં પ્રીત, કરી છે નિત્ય, તેની થઇ જીત;

જુગો જુગ ભારી. એથી શી.૫ 

મૂળ પદ

જેને મળ્યા પ્રગટ અવતારી, એથી શી પદવી ભારી;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી