મારા પ્રાણ તણા આધાર કરુણા કીજીએ રે;૨/૪

પદ-૨/૪

પદ-૧૨૬

મારા પ્રાણ તણા આધાર કરુણા કીજીએ રે;

માણકી ઘોડીના અસ્વાર રસિકવર રીઝીએરે.મારા.ટેક

તમ સંગે મન માન્યું મારું, તન મન ધન તમ ઉપર વારું;

મારા પ્રાણ સ્નેહી પ્રેમ સુધારસ પીજીએરે.મારા.૧

ચરણ કમળમાં ચિત્તડું પ્રોઇને, દિવસ ગુજારૂં તમને જોઇને;

મને હેતે કરીને હાર પ્રસાદી દીજીએ રે.મારા.૨

પ્રીત કરી મમ ઘેર પધારો, સફળ કરો જન્મારો મારો;

આ ખાંતિલા વર અવગુણ જોઇ ના ખીજીએ રે.મારા.૩

અલબેલા અરજી ઉર ધારો, ભવજળ સંકટ પાર ઉતારો;

આ દાસ નારાયણને શ્રીજી શરણે લીજીએ રે.મારા.૪

મૂળ પદ

સ્વામિનારાયણ પુરુષોત્તમ પ્રગટ્યા આ સમે રે;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી