નિત્ય કાળ કરી રહ્યો કોપ, ભજન કરો ભાવથી;૩/૪

પદ-૩/૪

પદ-૧૬૯

નિત્ય કાળ કરી રહ્યો કોપ, ભજન કરો ભાવથી;

જેમ તુંબડાને તોડે ટોપ, ભજન કરો ભાવથી.ટેક.

બકરી બહુ બળવંતરે, આવી સિંહની પાસ;

ખબર વિના ખુબી કરેરે, નથી ઉગરવાની આશ.ભજન.૧

મીન પડીને જાળમાં રે, મનમાં બહુ મલકાય;

માછી દોરી તાણશે રે, ત્યારે મીન તરત મરી જાય.ભજન.૨

માખી પર મેંડક ધસ્યો, ભક્ષ કરવા ઉમંગ;

મેંડક મન મગન થયોરે પણ એને ધાયો છે ભોરીંગ.ભજન.૩

ઘંટીમાં જે આવીયા રે, તે કણ સહુ દળાય;

તેમ માયા જંજાળમાંરે, જોને જીવ ઘણા રંધાય.ભજન.૪

કાળ ઝપાટો આકરો રે પલમાં પકડી જાય;

એટલા સારુ હરિ ભજોરે, એમ દાસ નારાયણ ગાય.ભજન.

મૂળ પદ

ભજો ભાવ ધરી ભગવાન, અવસર આવો નહિ મળે;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી