જીવ રાજારે કિયે દેશથી આવ્યા કેને ઘેર જાવ છો; ૧/૧

પદ-૧/૧ (રાગ :વિવાહ ગીતનો)

 

જીવ રાજારે કિયે દેશથી આવ્યા કેને ઘેર જાવ છો;

જીવ રાજા રે કોણે અવતાર આપ્યો કોનાં અન્ન ખાવ છો. ૧

જીવ રાજા રે તમે શું કરવા આવ્યા ને શું કામ થાય છે;

જીવ રાજા રે મારું મારું તે કરતાં જનમ વહી જાય છે. ૨

જીવ રાજા રે શીદ અવળું તે ચાલો આગળ બધું આવશે;

જીવ રાજા રે જમ મારશે માર ત્યાં કોણ મૂકાવશે. ૩

જીવ રાજા રે કે'વાયા લખપતિ હીરા જડ્યા બારણે;

જીવ રાજા રે એક પૈસો ન આપ્યો કે પુન્યને કારણે. ૪

જીવ રાજા રે હસ્તિ ઘોડાને ગાડી છત્ર શિર ધારતા;

જીવ રાજા રે એવા ગયા છે મરી જોને જખ મારતા. ૫

જીવ રાજા રે જરી જોઇ વિચારી કરો અભિમાનને;

જીવ રાજારે કે'છે નારણદાસ ભજો ભગવાનને. ૬ 

મૂળ પદ

જીવ રાજારે કિયે દેશથી આવ્યા કેને ઘેર જાવ છો;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી