માનવીયો મરવું છે રે, એક દિન આપણે રે  ૧/૪

પદ ૧/૪ (રાગ :અંતકાળે આવીરે)

પદ-૧૯૩

માનવીયો મરવું છે રે, એક દિન આપણે રે,

નથી રહેવું ઝાઝું આ જગમાંય;

અચાનક આણું રે વીરા મારા આવશેરે,

કો'ને ભાઇ કેમ રહેવાય.માનવીયો.૧

પરોણા તરીકેરે, આવ્યા છઇએ આપણે રે,

મે'માની તો કરવી છે દિન ચાર;

પછી તો જાવું છે રે આપણા દેશમાંરે,

છોડીને તો સઘળો આ સંસાર.માનવીયો.૨

હવે તો ઉધારો રે નથી ભાઇ એહનોરે,

સંદેશા તો આવી ચુક્યા છે ચાર;

ચેતો ભાઇ ચેતો રે અવસર જાય છે રે,

હજી કાંઇ આવશે ભવનો પાર.માનવીયો.૩

હતા ને ન હતા રે પલમાં થઇ જશો રે,

પછી કોઇ પૂછશે નહિ તવ નામ;

નારાયણદાસ રે કે'છે હરિને ભજો રે,

ઠરવાનું ઠામ સદા ઘનશ્યામ.માનવીયો.૪

મૂળ પદ

માનવીયો મરવું છે રે, એક દિન આપણે રે,

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી