જુવાની તો ચાલી રે વૃદ્ધપણું આવિયું રે, ૨/૪

પદ ૨/૪

પદ-૧૯૪

 

જુવાની તો ચાલી રે વૃદ્ધપણું આવિયું રે,

દંત તારા ડગી ગયા બતરીશ;

શ્રવણ થયા બેહેરા રે આંખે નથી સુજતું રે,

કાળા તે તો ધોળા થયા છે કેશ. જુવાની.૧

જનમારો ખોયોરે કુટુંબિના ફંદમાં રે,

ગાયા નહિ એક ઘડી ઘનશ્યામ;

ભુખ દુઃખ વેઠી રે ભેળા કર્યા રૂપિયા રે,

અંત સમે કશું ન આવે કામ. જુવાની.૨

બાગો ને બગીચા રે બંગલા બનાવિયા રે,

વિવાહ વરા કર્યા દસ બાર;

પુત્રને પરણાવ્યા રે વળાવી છે દીકરી રે,

ભૂલી ગયો ભજવા શ્રી કીરતાર. જુવાની.૩

કારખાનાં કીધાં રે વેપાર વધારીયો રે,

દેશો દેશ માલ ઘણો વખણાય;

નારાયણદાસ રે કે'છે હરિ ના ભજ્યો રે,

પલકમાં જમડા પકડી જાય. જુવાની.૪ 

મૂળ પદ

માનવીયો મરવું છે રે, એક દિન આપણે રે,

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી