જીવલડા જાવું છે અચાનક આપણેરે, ૪/૪

પદ-૪/૪

પદ-૧૯૬

 

જીવલડા જાવું છે અચાનક આપણેરે,મુકી દયોને માનવીયો અભિમાન;

સુપના સરીખોરે આ સંસાર છેરે,ભજી લ્યોને ભાવ ધરી ભગવાન. જીવલડા.૧

પાણીના પરપોટા રે જેવો તારો દેહ છેરે,વિરા મારા વાદળની જેવી છાંય;

ઝાંઝવાનું પાણીરે કોઇ નથી પામતું રે,દોડી દોડી પામર પીવા જાય. જીવલડા.૨

કેડ તો બાંધીને રે બેઠા છઇએ આપણે રે,હાલું ચાલુ કરી રહ્યા તતકાળ;

હુકમ થયોને રે નગારાં તો વાગીયાંરે,જપિ લ્યોને હજી પણ જગપાળ. જીવલડા.૩

જીવાભાઇ જાગો રે અવસર જાય છેરે,તેતો નહિ આવે બીજીવાર;

નારાયણદાસ રે કે'છે હરિને ભજોરે,આવે તારો ભવસાગરનો પાર. જીવલડા.૪ 

મૂળ પદ

માનવીયો મરવું છે રે, એક દિન આપણે રે,

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી