ધન્ય વૃતપુરી મહાધામ, બહુનામી બિરાજ્યા ઘનશ્યામ. ૧/૧

પદ ૪૯

ધન્ય વૃતપુરી મહાધામ, બહુનામી બિરાજ્યા ઘનશ્યામ.ટેક.

ધન્ય લક્ષ્મીનારાયણ જોડ, પાસે રસિયોરાય રણછોડ રે;

પૂરે હરિજન કેરી હામ.બહુનામી.૧

શોભા ડેરાની છે બહુ સારી, જોઇ આશ્ચર્ય પામે નરનારીરે;

કરે દર્શન આઠો જામ.બહુનામી.૨

અતિ સંઘ ભરાય છે સારો, આવે દર્શન કરવા હજારો રે;

ઘણા દુરથી ખરચી દામ.બહુનામી.૩

ધન્ય ગોમતી ગુણ ગંભીર, ઘણું નાહ્યા છે શામ શરીરરે;

નાહ્યા સંત મહંત તમામ.બહુનામી.૪

મહા તિરથ મોટું ગણાય, આજ અગણિત જન જેમાં નાહ્ય રે;

થાય પવિત્ર પુરુષને વામ.બહુનામી.૫

ઘેર ઘેર ફર્યા ગિરધારી, ઘણો રંગ રમ્યા અવતારી રે;

હરિ ભક્તોને ઠરવા ઠામ.બહુનામી.૬

ધન્ય સંત શિરોમણી સારા, ખરા કલ્યાણના કરનારા રે;

બ્રહ્મસ્થિતિમાં પૂરણકામ.બહુનામી.૭

વ્રતપુરીમાં જે જન જાશે, કરી દર્શન નિર્મળ થાશે રે;

દાસ નારણ તે સુખ પામે રે બહુનામી.૮

મૂળ પદ

ધન્ય વૃતપુરી મહાધામ, બહુનામી બિરાજ્યા ઘનશ્યામ.

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી