શ્રુતિ સ્મૃતિને શાસ્ત્રોએ, કહ્યો જે સદાચાર; ૧/૧

પદ- (રાગ:દોહરો)

પદ ૫૧

શ્રુતિ સ્મૃતિને શાસ્ત્રોએ, કહ્યો જે સદાચાર;

ધર્મ તેહને જાણવો, સૌ જનને નિરધાર.૧

ધર્મ સંતનાં વચન, તે પાળો કરીને પ્યાર;

ધર્મ વિના સંસારમાં, દુઃખ પામે નરનાર.૨

ધર્મ સુખનાં મુળ છે, ધર્મ સર્વાધાર;

ધર્મ સહિત ભક્તિ કરે, તે ઉતરે ભવપાર.૩

ધર્મ ધર્મસુતને પ્રિય છે, કરે ધર્મની વા'ર;

ધર્મ ધરણીપર સ્થાપવા, ધરે હરિ અવતાર.૪

વર્ણાશ્રમના ધર્મને, જે પાળે કરી પ્રીત;

સદગતિ સુખ સંપતિ તે, પામે પરમ પુનિત.૫

સત્ શાસ્ત્રોમાં વર્ણવ્યો, વિધિ નિષેધ સુખકાર;

યથાર્થ તેને પાળતાં સૌ ઉતરે ભવપાર.૬

ધર્મ ધરે તજી શરમને, શિર સાટે હરિજન;

જશ વાધે આ જગતમાં, થાય મોક્ષ નિર્વિઘ્ન.૭

ધર્મ ધરે નરનારી જે, તેનો સફળ અવતાર;

દાસ નારાયણ વિનવે, ધર્મ ધરો નિરધાર.૮

મૂળ પદ

શ્રુતિ સ્મૃતિને શાસ્ત્રોએ, કહ્યો જે સદાચાર;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી