એંશી વરસે આવરદા ખૂટી, દુરમતિની દોરી તુટી; ૧/૧

 

પદ-૬૪

એંશી વરસે આવરદા ખૂટી, દુરમતિની દોરી તુટી;

થયો રોગ દીર્ઘ દિલ ભારી, સામું જુવે નહિ સુત નારી. ૧

થઇ શિથીલ કારમી કાયા, તોય મુકે નહિ મુંઢ માયા;

જાણે સુત નારી શું કરશે, મારા વિના ઝૂરી ઝૂરી મરશે. ૨

એમ બીજાનું જુએ તપાસી, પણ પોતાની ન જુએ ફાંશી;

પછી આવી રહ્યો એનો કાળ, ત્યારે કરે છે આળ પંપાળ. ૩

લેવા આવિયા જમ અપાર, રોકી દ્વારને મારે છે માર;

ઘણું જોર કરી જમદૂત, કાઢ્યો કાયાથી બહાર કપૂત. ૪

કેનું ચાલ્યું નહિ એક રતી, જમપુરીમાં ચાલ્યો કુમતિ;

ત્યાં જમનાં તે ખાસડાં ખાશે, સત્ય નારણદાસ પ્રકાશે. ૫

મૂળ પદ

એંશી વરસે આવરદા ખૂટી, દુરમતિની દોરી તુટી;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી