તારી મૂર્તિ જોઉ છું જ્યારે હરિ મારી છાતિ સ્નેહે જાય ઠરી ૧/૪

તારી મૂર્તિ જોઉ છું જ્યારે હરિ,
મારી છાતિ સ્નેહે જાય ઠરી;
હું તારી છું ને તું મારો છો,
તારે રૂપે વાલમ જાઉં મરી...તારી૦ ૧
મને સુખભરી તમે છલકાવી દીધી,
હેતે ખેંચીને તુમાં સમાવી લીધી;
તું મારી સાથે હું તારી સાથે,
નથી ભાન બીજુ મને કાંઇ હરી...તારી૦ ૨
રહું વળગી ના અળગી થાઉ કદિ,
મારા તું જ સંગ રસબસ વિતે છે દિ;
આ સુખના ઘુંટડા પીતી રહું,
મારું તન મન મૂર્તિમાં ગયું ઠરી...તારી૦ ૩
રહી નહીં શકુ હરિ હવે તારા વિના,
દેહ રહે નહીં જીવન દેહી વિના;
કહે જ્ઞાનજીવન બહુ રાજી છું,
મળી મૂર્તિ સુખની ખાણ ખરી...તારી૦ ૪

મૂળ પદ

તારી મૂર્તિ જોઉ છું જ્યારે હરિ

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો	જ્ઞાનજીવનદાસજી સ્વામી-કુંડળ (ગાયક)		સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮		જ્ઞાનજીવનદાસજી સ્વામી-કુંડળ (સ્વરકાર)	કીર્તન કુંભ ભાગ-૪	Studio	Audio	0 1