જે હરિજન દેખીને દાઝેરે, તેનાં શિર પર જમ ગણ ગાજેરે;૨/૨

પદ-૨/૨

પદ-૩૫૦

 

જે હરિજન દેખીને દાઝેરે, તેનાં શિર પર જમ ગણ ગાજેરે;

જે હરિજનની કરે હાંસીરે, તેને આપશે જમદૂત ફાંસીરે. ૧

કરે હરિજનનું અપમાનરે, તે તો થાશે સુકર ખર શ્વાનરે;

ચોરી જારી કરે મદ્ય માંસેરે, તે તો લખ ચોરાશીમાં જાશેરે. ૨

જીવ હિંસા કરે ને કરાવેરે, તેનાં દુઃખનો અન્ત ન આવેરે;

કરે કપટ ને દગા ઘાતરે, તેનાં દુઃખની શી કહું વાતરે. ૩

જેણે પ્રભુના ગુણ ન ગાયારે, તે તો દુઃખમાં જાશે તણાયારે;

માટે હરિ ભજો નરનારીરે, કહે નારાયણદાસ વિચારીરે. ૪ 

મૂળ પદ

જેના ઘરમાં તે કુસંગ પેઠોરે, તેને બારમો રાહું તે બેઠોરે;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી