ગીરધર આવજોરે ગઢપુરવાસી મારે ઘેર;૪/૪

પદ-૪/૪

પદ-૩૬૬

 

ગીરધર આવજોરે ગઢપુરવાસી મારે ઘેર;લેરી લાવજોરે મારી ઉપર મોટી મહેર. ૧

અંગો અંગમાંરે રૂડા પહેરીને શણગાર;વેલા આવજોરે મારા હૈડા કેરા હાર. ૨

ઢોલીયો ઢાળીયોરે મેં તો ત્રીકમજી તમકાજ;મોટા માનથી રે તમને બેસાડું મહારાજ. ૩

જમવા કારણે રે કીધાં ભોજનિયાં બહુ ભાત;જીવન જમી કરીરે કરજો વાલમ રૂડી વાત. ૪

પ્રીતમ પુરજોરે મારા હૈડા કેરી હામ;નારણદાસનારે સ્વામી છોગાળા ઘનશ્યામ. ૫ 

 

મૂળ પદ

સજની આ સમેરે આવ્યા અવતારી આધાર;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી