અક્ષરના વાસી રે અવની આવીયા, ૧/૪

 પદ-૧/૪(રાગ :મોહનને ગમવાને ઇચ્છો માનની)                   

પદ-૩૮૧

        અક્ષરના વાસી રે અવની આવીયા,

        નામ ધર્યું છે સ્વામી સહજાનંદજો;

        પરદુઃખ ભંજન પ્રીત કરી પધારિયા,

                        અવતારી અલબેલો અક્ષરચંદજો.     અક્ષર.૧

        પુર્વમાં પ્રગટ્યા ને પશ્ચિમ આવિયા,

        ગઢપુરમાં દાદાખાચરને ઘેર જો;

        બહુનામી બિરાજ્યા લક્ષ્મીબાગમાં;

                        રમ્યા જમ્યા રંગ રસિયો રૂડી પેરજો.   અક્ષર.૨

        સત્સંગી સર્વેને સુખડા આપવા,

        ધર્મકુમારે ધાર્યો છે અવતારજો;

        દાસ નારાયણ કે'છે આ સંસારમાં,

                        પ્રગટ્યા પોતે અક્ષરના આધારજો.    અક્ષર.૩

 

મૂળ પદ

અક્ષરના વાસી રે અવની આવીયા,

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી