આવોને પ્રભુ અક્ષરપતી અવતારી.૧/૨

પદ-૧/૨(રાગ :સામેરી)                 પદ-૪૦૮

આવોને પ્રભુ અક્ષરપતી અવતારી.

અક્ષરપતી મને છતિ કરો સૌમાં, અતિ ઘણું હેત વધારી;

લટકંતા લાલ મારે મંદિર પધારો વાલા, હાર પેરીને હજારી. આ.

દેવકીના જાયાને જસોમાને ધાવ્યા, ગોકુળમાં ગાયો ચારી;

ઇંદ્રનો ગર્વ ઉતાર્યો મારાવાલા, ગોવરધન કર ધારી. આ.

કંશનો વંશ તમે કહાડ્યો કૃષ્ણજી માસી તે પુતના મારી;

વ્રજની નારી તમે વળવળતી મૂકી, મથુરા પધાર્યા મોરારી. આ.

સીતાને સારૂ તમે રાવણને માર્યા, દ્રૌપદીની લાજ વધારી;

નારણદાસના નાથજી પધારો, ચરણ કમળ પર વારી. આ.

 

મૂળ પદ

આવોને પ્રભુ અક્ષરપતી અવતારી.

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી