આવોને મારા લેરખડા હરિવર લહેરી.૨/૨

પદ-૨/૨ પદ-૪૦૯

આવોને મારા લેરખડા હરિવર લહેરી.

લેરખડા લહેરી તમે લટકંતા આવો, ચટકંતી ચાખડીયો પેરી;

નવરંગી પાઘ રૂડી તોરા ને કલંગી,

તેમાં છોગાં ધરીને સોનેરી.આવોને. ૧

શેરી વળાવું ને સ્વરછ કરાવું, ચોકમાં તે ફૂલડાં વેરી;

અગર ચંદનથી ઓરડા લીપાવું,

ભાત પડાવું ભલેરી.આવોને. ૨

ભાત ભાતના વાલા ભોજન બનાવું, ઘૃત ઘણું સાકર ભેળી;

રસ રોટલી રૂડી કરવાને સારૂ,

વાલા કેરી મંગાવું કણેરી.આવોને. ૩

જમનાનું જળ અતિ વિમળ મંગાવું, ઝારી તે કંચન કેરી;

નારાયણદાસના નાથજી પધારો,

વાલા વાંસળી વજાડતા ઘેરી.આવોને. ૪

મૂળ પદ

આવોને પ્રભુ અક્ષરપતી અવતારી.

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી