અવનીપર આઠે જામ ગઢપુર ગાજે છે;૧/૨

 પદ-૧/૨         પદ-૪૧૩

અવનીપર આઠે જામ ગઢપુર ગાજે છે;

મારે વાલે કર્યો વિશ્રામ ગઢપુર ગાજે છે.

અભય પુત્ર ઉત્તમ નરપતી દાદાખાચર જેનું નામ;

તેને ઘેર ત્રીકમ રહ્યા સુખદાયક શ્રી ઘનશ્યામ.             ગઢપુર.૧

ધન્ય છે ઉત્તમ રાયના ઓરડા ઓસરી આંગણા ને ચોક;

બેઠા ઉઠ્યા હરિ હેતમાં ધન્ય મેડી હવેલી ને ગોખ.      ગઢપુર.૨

ચોક મધ્યે છે લીમડો ત્યા સંતોને લડાવ્યા લાડ;

સભા સજી બેઠા શ્રી હરિ ધન્ય ધન્ય એ લીમડો ઝાડ.  ગઢપુર.૩

લટકાળે લીલા કરી ગઢપુરમાં ઘેર ઘેર;

રમ્યા જમ્યા રસિયો અતિ ધન્ય એ ગઢપુર શહેર.        ગઢપુર.૪

સરીતા શહેર સમીપમાં ઘેલા જેનું નામ;

મોટા સંત નાહ્યા અતિ ઘણું, ઘણું નાહ્યા ઘનશ્યામ.      ગઢપુર.૫

ખળખળીયે ખેલ રચાવિયો નારાયણ ધરે નરવીર;

સહસ્ત્ર ધરામાં શ્રીહરિ વાલો નાહ્યા છે નિર્મળ નીર.       ગઢપુર.૬

રાધાવાવ રળિયામણી રસિયો રમ્યા છે રંગ;

લક્ષ્મીબાગમાં લહેર કરી સુખકારી સખાને સંગ.          ગઢપુર.૭

લેહેરી આવ્યા લેહેરમાં મહેર કરી મહારાજ;

નારણદાસના નાથજી ગઢપુરમાં ગરીબ નિવાજ.        ગઢપુર.૮

 

મૂળ પદ

અવનીપર આઠે જામ ગઢપુર ગાજે છે;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી