છપૈયાથી સ્વામી સંચર્યા મનમોહનરાયરે; ૧/૧

પદ-૧/૧

 

છપૈયાથી સ્વામી સંચર્યા મનમોહનરાયરે;આવી રહ્યા ગઢપુર શહેર પ્રભુજી પધારીયારે.

દાદા ખાચર દરબારમાં મનમોહનરાયરે;મરમાળે કીધી છે મહેર પ્રભુજી પધારીયારે. ૧

ધન્ય ધન્ય ગઢડા શહેરને મનમોહનરાયરે;ધન્ય ધન્ય ઘેલાને ઘાટ પ્રભુજી પધારીયારે.

ધન્ય ધન્ય શેરી બજારને મનમોહનરાયરે;ધન્ય ધન્ય ચૌટાને હાટ પ્રભુજી પધારીયારે, ૨

નારાયણ ધરે નાહ્યા હરિ મનમોહનરાયરે;ખળખળીયે કીધો છે ખેલ પ્રભુજી પધારીયારે.

સંત સખાના સાથમાં મનમોહનરાયરે;રંગ રમ્યા રંગરેલ પ્રભુજી પધારીયારે. ૩

રમ્યા જમ્યા ગમ્યા સંતને મનમોહનરાયરે;હર્યા ફર્યા ફૂલ બાગ પ્રભુજી પધારીયારે.

નારણદાસનો નાથજી મનમોહનરાયરે;જેને મલ્યા તેનાં ભાગ્ય પ્રભુજી પધારીયારે. ૪ 

 

મૂળ પદ

છપૈયાથી સ્વામી સંચર્યા મનમોહનરાયરે;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી