કેવળ કાયા કુડીરે જાશે એક પલકમાં ઉડી;૨/૨

પદ-૨/૨

પદ-૪૪૭

 

કેવળ કાયા કુડીરે જાશે એક પલકમાં ઉડી;

જુઠી માયા જુઠીરે જાશે એક પલકમાં ઉડી.                       ટેક.

કાયા તારી કંકુ જેવી રૂડી ને રૂપાળી;

મુઆ પછી તો ઘડી ન રાખે દેશે દાટી બાળી.             કેવળ.

બાગ બંગલા બેસ બનાવ્યા ઊંડા પાયા નાખી;

કાયાનો છે કાચો પાયો તે ખબર ના રાખી.               કેવળ.

કાયા સારૂ કપટ કરીને પરધન પાપી લાવ્યો;

સાધુની વાતો સાંભરવા એક ઘડી ના આવ્યો.            કેવળ.

કાચી કાયા જુઠી માયા પાણીનો પરપોટો;

મરવાનું છે એક પલકમાં કોણ છે નાનો મોટો.            કેવળ.

પંચભૂતનો દેહ બન્યો તે જ્યારે ત્યારે પડશે;

દાસ નારાયણ સાચુ કે'છે પાપ કર્યા તે નડશે.            કેવળ. 

મૂળ પદ

જગની માયા જુઠીરે મનવા માન કહ્યું તું મારૂં;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી