જીવ કહે છે યમરાયના દુતને સાંભરજો દીન વાણી રે રામ;૪/૮

પદ-૪/૮

પદ-૪૫૭

 

જીવ કહે છે યમરાયના દુતને સાંભરજો દીન વાણી રે રામ;

ભુખને દુઃખ મેં તો નથી ખમાતું પાતું નથી કોઇ પાણી રે રામ.

ભુખ્યા જનોને કદી અન્ન ન આપ્યું, તૃષાને પાયું નહિ પાણી રે રામ;

તિરથ વૃત કાંઇ દાન ન દીધું, આયુષ્ય કીધું ધુળધાણી રે રામ.

યમ કિંકર કહે જન્મ ધરીને, દગા કીધા ને ઘણી ઘાતો રે રામ;

કુડ કપટ કરી કામ બગાડ્યું, કીધી નથી ભલી વાતો રે રામ.

મંદ ભાગી જરી જોને વિચારી, સુખ હવે શાનું આવે રે રામ;

સુખનું સાધન કાંઇ ન કીધું દાસ નારાયણ ગાવે રે રામ. 

મૂળ પદ

જન્મ ધરીને હરિગુણ ન ગાયા, મુરખ માયામાં મોહ્યોરે

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી