અતિવેદના વૈતરણીની સહી ન જાય શરીરેજી;૧/૪

    પદ-૪૭૫

અતિવેદના વૈતરણીની સહી ન જાય શરીરેજી;

ગાયતણું જેણે દાન કર્યું હોય તે ઊતરશે તીરેજી.     ૧

આ સરિતા અપરાધીને દુઃખ દેવા બનાવીજી;

તારા જેવા પાપી પ્રાણી તેને આગળ આવીજી.       ૨

અભાગીયાને ત્યાંથી લઈને તાડન કરતાં ચાલ્યાજી;

એવા બીજા પાપી જીવને જમને દૂતે ઝાલ્યાજી.      ૩

કેટલાક પાપી જીવને જમરા ઉંધે મસ્તક તાણેજી;

માથા ઉપર મુદગળે મારે મહેર કશી ના આણેજી.   ૪

છાતિમાં સોયા ઘોંચે ને ગુઠણ ભાંગી નાંખેજી;

દાસ નારાયણ કે'છે જમને કોણ વાળી રાખેજી.      ૫ 

મૂળ પદ

અતિવેદના વૈતરણીની સહી ન જાય શરીરેજી;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી