આકરી વાટું છે આગે રે, તેથી વાલા બહુ બીક લાગે૨/૨

 ૧૬૨ ૨/૨

આકરી વાટું છે આગે રે, તેથી વાલા બહુ બીક લાગે.          ટેક

જમના દુતો મારીને જોડે, જમપુરમાં લઇ જાય

મુદગળ મારે પ્રાણી પોકારે, કરાલે બહુ ત્રાહ્ય ત્રાહ્ય રે.         તેથી. ૧

ધરતી ધગેલીમાં પગ અણવાણે, ચલવે પરાણે દુત,

વૈતરણીમાં ડબકાં ખવારી ને કષ્ટ આપે છે કપુત રે.          તેથી. ર

થંભ ધગાવી લાલ બનાવી, બાથ ભરાવે બહુ વાર

કષ્ટને પામી કંપી અતિશે પાપી, પાડે છે પોકાર રે.            તેથી. ૩

પીલે લોઢાનાં ચીચોડામાં ને, નાંખે છે નરક મોઝાર

જગદીશાનંદ કે એ દુઃખથી મારી, રક્ષા કરો કીરતાર રે.     તેથી. ૪ 

 

મૂળ પદ

વિનય કરૂ છું કર જોડી રે ચિત્તને તવ પદ ચોડી

રચયિતા

જગદીશાનંદ બ્રહ્મચારી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી