આ તો ઓપે છે અદભુત, બંને આંબલીયું રૂપાળીયું રે, ૧/૧

 ૩૧૧ ૧/૧ તુને સાંભણ આપુ શોખ એ રાગ

આ તો ઓપે છે અદભુત, બંને આંબલીયું રૂપાળીયું રે,

મનહર મહા મજબુત, બીજે કયાંઇ નથી એવી ભાળીયું રે.              ૧

બંને આંબલીયોની ડાળ, સંતે બાંધ્યો હિંડોળો હેતથીરે,

તેમાં ઝુલ્યા છે દીન દયાળ, પોતે શ્રી હરિ સ્નેહ સમેતથી રે.            ર

કરી દર્શન હરિજન સંત, અતિ અંતરે આનંદ પામીયાં રે,

શીવ બ્રહ્મા છે દેવ અનંત, તેણે આવીને મસ્ત નામીયા રે.                ૩

ચારે વેદ ત્યાં મુરતીમાન, આવી કર્યુ ચારે વેદગાનને રે,

રાખી શ્રી હરિમાં એકતાન, તેણે રાજી કર્યા ભગવાનને રે.                ૪

સુર સર્વ અને વેદ ચાર, ગયા સ્વર્ગ હરિ અંતરે ધરી રે,

કહે જગદીશાનંદ અપાર એવી લીલા ત્યાં શ્રી હરિયે કરી રે.             પ

 

મૂળ પદ

આ તો ઓપે છે અદભુત, બંને આંબલીયું રૂપાળીયું રે,

રચયિતા

જગદીશાનંદ બ્રહ્મચારી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી