શ્રી કૃષ્ણ પરણ્યાં રૂકમણીને, આવ્યા તે નગર મોઝાર;૧૧/૧૫

પદ ૧૧/૧૫ ૪૮૬

શ્રીકૃષ્ણ પરણ્યાં રૂકમણીને, આવ્યા તે નગર મોઝાર;

જેણે એ વિવા નીરખ્યો, તેનાં પુણ્યતણો નહિ પાર. ૧

પ્રેમેસું માતાએ પોંખીઆ, જગજીવન જગદાધાર;

લીયે ઉમંગે શ્યામનાં, વારણાં વારમવાર. ર

પુરવાસી સહુ પ્રેમશું, નિરખતાં નટવર નાથ;

જન્મ સુફળ કરી જાણીયો, મહાસુખી થયો સર્વ સાથ. ૩

રૂક્મિણીએ જે ધારીયું, તે સાચું કીધું શ્યામ;

ભકતજનનાં લાડ પાળે, એવા છે કરુણાના ધામ. ૪

અધમ જન ઉદ્ધારવા, થયા મનુષ્ય રૂપ મહારાજ;

પાવન જશ વિસ્તારીઓ, સુણતાં તે સીજે કાજ. પ

નરનારી જે રૂક્મિણીનો, વિવાહ, શિખે ને ગાય;

તેને તે રીઝે શ્રીહરિ, સર્વે પાતક પ્રલય થાય. ૬

શેષજી પાર ન પામીયા; કહેતાં તે હરિજશ સાર,

તોય તેના ગુણ ગાવતાં, જાણીને અધમ ઉદ્ધાર. ૭

મુક્તાનંદ કહે મહાપ્રભુની; અચળ જુગ જુગ જોડ;

શ્રોતા જન જે સાંભળો, તે બોલો જય રણછોડ. ૮

મૂળ પદ

કુંદનપુર વિવાહ રચ્યો, સુણી ભૂપતિ ભીમકરાય

મળતા રાગ

ધોળ

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી