વિશ્વેશ્વર વિધિ વિધાતારે, એકજ શરણ તમારૂં છો સકળ જગતના ત્રાતારે, ૩/૧૧

વિશ્વેશ્વર વિધિ વિધાતારે, એકજ શરણ તમારૂં,

છો સકળ જગતના ત્રાતારે, એકજ શરણ તમારૂં,

દુ:ખ પાળું આ સંસારે, પ્રભુ તેથી તું જ ઉગારે,

આવોને વ્હાલા વ્હાંરે રે, .... એકજ શરણ તમારૂં

વસમી વેળાને જોઇ, મેં ધીરજ સઘળી ખોઇ,

આ જીવન વિતાવું રોઇ રે... એકજ શરણ તમારૂં

વ્હાલા સહજાનંદ સ્વામી, આવોને અંતરજામી,

તમે અક્ષરધામના ધામીરે...... એકજ શરણ તમારૂં

પ્રભુ સૃષ્ટિના સૃજનારા, કરૂં વંદન વારંવારા,

મનમોહન પ્રાણ આધારા રે, , , એકજ શરણ તમારૂં

વિશ્વેશ્વર છો વિશ્વના, વિધાતા ઘનશ્યામ,

મનમોહન મનહર પ્રભુ, શરણે રાખો શ્યામ..

સં. 2005 – પોષ શુદ – 5 – મંગળવાર

મૂળ પદ

શ્રી હરિ સ્નેહી મારા રે, તારે ભરોંસે

મળતા રાગ

જમોને જમાડુ રે જીવન મારા

રચયિતા

મનમોહન

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી