પ્રીતડી બાંધી રે, બેની મારી પ્રીતડી બાંધી રે;૪/૪

પદ ૪/૪ ૫૪૯

પ્રીતડી બાંધી રે, બેની મારી પ્રીતડી બાંધી રે;

લટકાળા નંદલાલ સાથે, પ્રીતડી બાંધી રે. ટેક.

સુંદર નેણ સોહામણાં, મુખ સુંદર વાણી રે;

સુંદરવરની ચાલમાં, બેની હું લોભાણી રે. લટકાળા ૧

કામણીયાં મુજને કર્યા, કાનુડે કાળે રે;

દીલડું મારૂં ડોલવ્યું, મીઠી મોરલી વાળે રે. લટકાળા ર

નેણાં વેણાં મોરલી સૌ, કામણગારૂ રે;

વશ કરી મને વાલમેં, હર્યું ધીરજ મારું રે. લટકાળા ૩

કુળ કુટુંબી લોકની, મરજાદા મેલી રે;

મુક્તાનંદ કહે માવશું, દ્રઢ બાંધી બેલી રે. લટકાળા ૪

મૂળ પદ

કાન ધુતારે રે, બેની મને કાન ધુતારે રે;

મળતા રાગ

શોભા સાગર શ્યામ તમારી મૂર્તિ પ્યારી રે

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી