તેવી રીત્યે હરિ મંદિર કેરા, પાત્ર વસ્ત્રાદિક જેહ રે;૩/૪

પદ ૩/૪ ૭૨૫

તેવી રીત્યે હરિ મંદિર કેરા, પાત્ર વસ્ત્રાદિક જેહ રે;

ઘોડા વેલ્યો આદિક જે વાહન, માગી ન લેવા તેહ રે. ટેક.

એ આદિક જે જે કોઇ વસ્તુ, ગુરુ કે શ્રીહરિની હોય રે;

પોતાના ઘરકામને સારૂ, માગી ન લેવી કોય રે. તેવી ૧

તેમજ કોઇ સારૂ હરિ ગુરુનું પાત્રાદિક જે કાંઇ રે;

તે પણ કોઇ દી માગી ન લેવું, ટેક ધરી મનમાંહી રે. તેવી ર

જે જે પદાર્થ ગુરુ કે હરિના, પૂજા યોગ્ય કહેવાય રે;

તે જો પોતાને અર્થે લાવે, તો અપરાધી થાય રે. તેવી ૩

ભવજળ પાર કર્યાને સારૂ, શિખામણ સુખકારી રે;

મુક્તાનંદ કહે શ્રીમુખવાણી, લેજોને ઉરધારી રે. તેવી ૪

મૂળ પદ

સત્‍સંગી સૌ પરમ વિવેકી, ગ્રહી ત્‍યાગી નરનારી રે;

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી