આજે વાત લખી છે રે કે, વ્યવહારિક રીતિ, ૧/૪

પદ ૧/૪ ૭૨૭

રાગ : ધોળ

 આજે વાત લખી છે રે કે, વ્યવહારિક રીતિ,

 કરે હરિ ગુરુ સાથે રે કે, તો ન રહે પ્રીતિ.  ટેક.

 લેવા આપવામાંથી રે કે, ગુરુ ગોવિંદ સંગે,

 થાય વાદ જરૂર જ રે કે, અહંતાને રંગે.  આજે ૧

 પછે ગુરુગોવિંદનો રે કે, અવગુણ ઉર આણી;

 તે પાપને જોગે રે કે, નરક પડે પ્રાણી.  આજે ર

 પરલોક બગાડી રે કે, જમપુરમાં જાયે,

 આ લોકમાં એની રે કે, અતિ નીંદા થાયે.  આજે ૩

 એમ સ્વારથ સારુ રે કે, જે ગુરુદ્રોહ કરે,

 તેનું લોક પરલોકમાં રે કે, કોઇ કારજ ન સરે.  આજે ૪

 સત્સગી સહુને રે કે, શિખામણ દીધી,

 વ્હાલે મુક્તાનંદને રે કે, અતિ કરુણા કીધી.  આજે પ 

મૂળ પદ

આજે વાત લખી છે રે કે, વ્‍યવહારિક રીતિ,

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી