એક સમે બિરાજે વાલો, નૌતમ રૂપ નંદલાલો શોભા શી કહીયે૧/૬

પદ ૧/૬ ૮૭૫

રાગ : ગરબી

એક સમે બિરાજે વાલો, નૌતમ રૂપ નંદલાલો શોભા શી કહીયે.  ટેક

પુષ્પનાં ભુષણ પહેરી, મુખ મોરલી વાજે હેરી.  શોભા ૧

હરિ રિયા અંગો અંગ ઓપી, તેની સંગે હર્ષે ગોપી.  શોભા ૨

હરખે ગોવાળ્યા ગાય, સુણતાં સર્વ પાવન થાય.  શોભા ૩

કોઇ તાલ મૃદંગ બજાવે, કોઇ રાગ રાગણી ગાવે.  શોભા ૪

કોઇ પગે ઘુઘરા બાંધે, કરી થેઇ થેઇ તાન જ સાંધે.  શોભા ૫

અતિ પ્રેમ મગન થઇ નાચે, નિરખી નટવર મનમાં રાચે.  શોભા ૬

એવી શામ સુંદરની લીલા, કર્તા યમુના ત્રટ કિલા.  શોભા ૭

મધ રાતે મોહન પાસે અમે રંગ ભર રમીયા રાસે.  શોભા ૮

જેણે નિરખ્યાં હોય તે જાણે, મુક્તાનંદ મહારસ માણે.  શોભા ૯

મૂળ પદ

એક સમે બિરાજે વાલો, નૌતમ રૂપ નંદલાલો શોભા શી કહીયે

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી