ગીરધરનાં મનને ગમતી, રસિયા સંગ રંગભર રમતી, ૬/૬

પદ ૬/૬ ૮૮૦

 

ગીરધરનાં મનને ગમતી, રસિયા સંગ રંગભર રમતી, ધન્ય તે વ્રજનારી.ટેક

ગોવિંદનું ગમતું જાણે, મન લાજ લોકની નાણે.  ધન્ય ૧

સુખસાગરને રીઝાવે, એના ગુણ વર્ણવ્યામાં નાવે.  ધન્ય ૨

શામળીયાને સુખકારી, એની પળ પળની બલહારી.  ધન્ય ૩

જેણે નયણ કાંકરી કાઢી, એની સેવા સહુથી ગાઢી.  ધન્ય ૪

એની સમજણને શું કઇયે, વરણવતાં પાર ન લઇયે.  ધન્ય ૫

જેને અસત આશ સર્વ ત્યાગી, લક્ષ્મીવરસું લે લાગી.  ધન્ય ૬

મનમાં આંટી નવ રાખે, પ્રેમે પૂર્ણ રસ ચાખે.  ધન્ય ૭

વ્યવહારી વિષે ન માણે, અનુભવમાં દૃષ્ટિ આંણે.  ધન્ય ૮

મુક્તાનંદ મોહન સંગે, રાચી ગીરધરને રંગે.  ધન્ય ૯ 

મૂળ પદ

એક સમે બિરાજે વાલો, નૌતમ રૂપ નંદલાલો શોભા શી કહીયે

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી