જીંદગી વિતી જશે પળવારમાંરે સ્નેહે સમરો સરજનહાર ૧/૧

જીંદગી વિતી જશે પળવારમાંરે,

સ્નેહે સમરો સરજનહાર -  જીંદગી..

મોંઘો દેહ મનુષ્યનો પામીને રે,

કરજો વણમુલો વેપાર -  જીંદગી..

ખાતાં પીતાં સુતાં બેસતાં રે,

સમરો શામળીયો કિરતાર -  જીંદગી..

નિર્ભય નાણું કરજો એકઠું રે,

હરિના નામ રૂપી કલદાર -  જીંદગી..

ગાફલ રહેતા હાંસલ હારસો રે,

ન મળે નુકશાની નો પાર -  જીંદગી..

સુત વિત્ત દારાની સંગાથમાં રે,

એળે જાયે છે અવતાર -  જીંદગી..

અવસર અણમુલો વહી જાય છે રે,

કરજો ચિતમાંહી વિચાર -  જીંદગી..

મનમોહન સહજાનંદ શ્યામનું રે,

સમરણ કરતા બેડો પાર -  જીંદગી..

વિતી જાશે જીંદગી, નથી કાંઇ નીરધાર,

મનમોહન ઘનશ્યામને, ભજતાં બડો પાર.

સં. 2012 કારતક વદ - 5 રવિવાર. 

મૂળ પદ

જીંદગી વિતી જશે પળવારમાંરે

મળતા રાગ

હંસલો ચાલ્યો જવાનો એકલો રે

રચયિતા

મનમોહન

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી