રે પ્રાણજીવન પ્રીતમ પ્યારા, રહો કેમ નટવરજી ન્યારા૧/૫

પદ ૧/૫ ૧૧૧૮

રાગ : ગરબી

રે પ્રાણજીવન પ્રીતમ પ્યારા, રહો કેમ નટવરજી ન્યારા. ટેક

રે મોરલીને નાદે મન હરિયું, નેણામાં કામણીયું કરીયું,

ભુલી હું તો પિયર સાસરીયું.. રે પ્રાણજીવન ૧

રે સુંદર મૂરતી મનમાની, દેખી હું તો થઇ છું દિવાની,

છપાડી વાત ન રહે છાની.. રે પ્રાણજીવન ૨.

રે તમ સંગ મન માન્યું વાલા, બોલો છો કેમ થઇને કાલા,

કરો મનગમતું નંદલાલા.. રે પ્રાણજીવન ૩

રે જનમોજનમની હું તમારી, વાલમજી મા દેજ્યો વિસારી, ટેક.

છબી પર મુક્તાનંદ વારી રે પ્રાણજીવન ૪

મૂળ પદ

રે પ્રાણજીવન પ્રીતમ પ્યારા, રહો કેમ નટવરજી ન્‍યારા

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી