માહેરૂં ભાગ્ય અતિશેજ અધિક થયું નાથજી તમસંગ નેહ જોડી..૩/૪

માહેરૂં ભાગ્ય અતિશેજ અધિક થયું, નાથજી તમસંગ નેહ જોડી;

તનતણા તાપ સંતાપ સર્વે ટળ્યા, તન ધન જક્તશું પ્રીત તોડી. મા૦ ૧

અસત સુખ પરહરી નાથ તમને વરી, લોકની લાજ નવ ધારી મનમાં;

શૂરાની પેરે તમ સનમુખ ચાલતાં, અધિક આનંદ નવ માય તનમાં. મા૦ર

કોટી બ્રહ્માંડના નાથ કરુણા કરી, શ્રીહરિ માહેરે મોહોલ આવ્યા;

શરણાગતતણા લાડ પાળો સદા, ભક્ત સલ તમે નાથ કહાવ્યા. મા૦ ૩

દેહડી જાય પણ નેહ ન છુટજો, એ વર આપ જો નાથ અમને;

મુક્તાનંદ કહે નાથજી શ્રીહરિ નિમિત ન્યારા નવ મુલું તમને. મા૦ ૪

મૂળ પદ

માવજી મુજપર ખુબ અઢળક ઢળ્યા

મળતા રાગ

કેદારો

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી