જોને છબી આજની રે, વેશ બનાયો નાથ ૨/૪

૨૨૪૦ ૨/૪ પદ : ૨

જોને છબી આજની રે, વેશ બનાયો નાથ;

મનોહર મૂર્તિ રે . ટેક

કુંડલ જડાઉ કાનમાં રે, મોરલી લીધી છે હાથ. મ. ૧

મુગટ જડાઉ માંથડે રે, તિલક અલોકિક ભાલ . મ. ૨

ભ્રુકુટી ભમર કેરી પાંખડી રે , નેણ ગુલાબી લાલ. મ. ૩

નમણી અલૌકિક નાસિકા રે , દાંત દાડમ કેરાં બીજ . મ. ૪

અધર પ્રવાલાં જોઇને રે, રાધા રહી મન રીઝ. મ. ૫

હૈડે ફૂલાં કેરો હારડો રે , પહેર્યો છે પ્રાણઆધાર . મ. ૬

બ્રહ્માનંદનો વાલમો રે, નેણ તણો શણગાર . મ. ૭

મૂળ પદ

પ્યારી લાગે છેલાજીની પાઘડી રે, ચોંટી છે ચિત્તડાં માંય

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી